طريقة عمل الخبز المغربي بالسمسم والينسون

طريقة عمل الخبز المغربي بالسمسم والينسون

الكمية تكفي: 5 أشخاص
وقت التحضير: 20 دقيقة
وقت الطهي: 20 دقيقة
المقادير: 4 كوب دقيق القمح 2 كوب دقيق ابيض 2بيضة 2 ملعقة كبيرة سكر 2 ملعقة كبيرة سمسم 2 ملعقة كبيرة يانسون نصف ملعقة صغيرة مستكة بودرة قطعة خميرة ملح 1/2كوب زيت كوب ماء الزهر دافي ماية دافية
التحضير: في العجان نحط نوعي الدقيق وكل المواد الجافة
مع البيض ونقلبهم شوية
بعدين نضيف المواد السائلة الزيت وماء الزهر والماية
ونعجن على سرعة متوسطة حتى الحصول على عجين
مطاطي وطري
نقسم العجينة الى كور متوسطة او حسب الرغبة
نكورها ونسيبها ترتاح شوية فوق فوطة مطبخ
مش حتى تخمر يدوب 5 دقايق بس
وبعدين ناخد كل كورة لوحدها ونبططها مش كتير
ونقلبها على الفوطة يعني الوجه الي فوق حيبقى تحت
ونغطيها ونسيبها تخمر
الطبخ: نكون مولعين الفرن من قبل على 200درجة ويكون سخن اوي
بعد ما خمرت بنجيب صينية او اي حاجة
تستحمل الحرارة ونقلب الخبز عليها يعني
الوجه الي تحت حيبقى فوق
وقبل ما ندخلها الفرن نخرمها بخلة في الوسط
ونزلها بالراحة في الفرن من تحت طبعا
ونقفل عليها ونسيبها شوية لغاية ما تتنفخ تتحمر من تحت وبعدين نطلعها فوق تتحمر

طريقة عمل الخبز المغربي بالسمسم والينسون