جديد الكيكة 2015: طريقة عمل الكيكه البسيطه بقت احلى تورته شوكولاته

طريقة عمل الكيكه البسيطه بقت احلى تورته شوكولاته

الكمية تكفي: 8 أشخاص
وقت التحضير: 30 دقيقة
وقت الطهي: 60 دقيقة
المقادير: 3ونصف كوب دقيق منخول 2وربع كوب سكر او 2 بس لو مش بتحبيها مسكره كوب زيت زره 6بيضات باكوا كيك شيف نصف معلقه بيكنج بودر نصف معلقه فانليا نصف كوب عصير برتقال (اختيارى ممكن لبن ) كوب لبن بشر برتقال (اختيارى ) للحشو والتنزيين 1/8 كريم شانتى ممكن ابيض او شوكولاته حسب الرغبه صوص شوكولاته اسبرنكلز اشكال او فورماسيل الوان حسب الرغبه
التحضير: لازم طبعا قبل مانبتدى نشتغل اصلا نكون
مولعين الفرن على 180
الطبخ: اول حاجه انا كنت عامله مقدار ونصف علشان
اعمل قالبين كبار
بحب اضرب البيض لوحده جامد جدا وطبعا معاه الفانليا بس دى احسن طريقه علشان الكيكه تنفش معاكى جامد
بعد كده نضيف السكر ونستمر فى الضرب بالمضرب
انا بعمل الكيكه دايما بالمضرب اللى موجود فى الكبه
علشان بتبقى مقفوله واستمر بالضرب وانا بضيف المقادير
نضيف بعد كده باقى المكونات بالتدريج ماعادا الدقيق طبعا
نضيف الزيت واللى بيحب السمن ممكن تحطى ريحه
السمن البلدى لو تحبى
ونضيف عصير البرتقال واللبن وبشر البرتقال
كل ده وانا بضرب بالمضرب على اعلى سرعه
نكون مجهزين الدقيق بتاعنا منخول وحاطين
عليه الكيك شيف والبيكنج بودر وزره ملح
ونهدى المضرب على اقل سرعه ونبتدى نضيف
الدقيق بالتدريج لغايه ماننتهى من كل الكميه بتاعتنا
نصب الكيك فى قالب مدهون زيت ومرشوش دقيق
وندخل الكيكه الفرن ومنفتحش عليها نهائى
قبل مرور 40 دقيقه هى بتاخد حوالى ساعه او ساعه وربع على حسب فرنك
اول ماتطلع نسبيها تستريح شويه وبعدين نقلبها على قاعده سلك ونسيبها تبرد تماما
نبتدى التزيين بقى ان شاء الله بالخطوات
نسيب الكيكه بتاعتنا تبرد خالص
وبعدين نشقها من فوق ونبتدى نفرغها بالمعلقه الصغيره
علشان نجهزها للحشو
وممكن نحشيها اى نوع كريم شانتى وصوص
حشيتها كريم شانتى شوكولاته وعليه شويه فورماسيل
الوان وصوص شوكولاته
مقادير صوص الشوكولاته
قالب شوكولاته خام
نصف كوب كاكاو خام
كوب سكر بودره
معلقه زبده
كوب كريمه حلويات
طريقته
نغلى الكريمه على النار ونرفعها ونضيف مقادير
الصوص كلها ونقلبها كويس لغايه الشوكولاته ماتدوب
ونسيب الصوص يبرد خالص وبعدين يستخدم
وبعدين حطيت شريحه الكيك اللى قطعتها
وصبيت عليها صوص الشوكولاته وزينت بالاسبرنكلز
وعملتها مره كمان شوكولاته برضه وحشيتها شيكوبون
ومليتها من النص كريم شانتى وشيكوبون وشوكولاته حجاره
وشوكولاته كريسبى